He taonga nā MAI FM :)

Nō mātou te whiwhi!

Kua toa a Whaea Hineao i tētahi whakataetae, ā, kua tae mai a MAI FM me ētahi taonga mīharo rawa atu.

Tēnā rawa atu koutou!!!

Ngā Manu Kōrero ki Waitaha 2019

Tōku reo, tōku ohooho

Tōku reo, tōku māpihi maurea

Tōku reo, tōku whakakai mārihi

Te Aho Matua 6.12 - Kia tū pakari, tū rangatira ia hei raukura mō tōna iwi

Papaki kau ana ngā tai o mihi ki ngā manu kōrero o Te Kura Kaupapa Māori o Te Whānau Tahi. Poho kererū katoa ana mātou i ā koutou me ngā tū ki te atamira ā-rohe nei.

Takitimu Heke-Zyskowski

Pei Te Hurinui

Shanikqua Togia

Korimako

Wai Tākoha Kamariera

Te Rāwhiti Ihaka

Manu Tawhi

Tā Turi Kara

E mihi ana ki ngā māngai Manu Kōrero o Waitaha, karawhiua e tai mā!

Tau 11 Koiri - Oma ki te wai

Aromatawai 1.1 - te kaha ki te uru ki ngā heimahi koiri.

I tēnei wiki ko te oma ki te wai te tino aronga (Aqua jogging). He kaha nō ngā tauira ki te ruku ki ngā kaupapa o te koiri. Nō mātou hoki te whiwhi i te kura a Whaea Dayna i tēnei wā e tautoko ana i te akomanga.

Kēmu - Tauira ki ngā Kaiako

I a te wāhanga ka tākaro ngā tauira o Te Puāwaitanga ki ngā Kaimahi o te kura. I te wāhanga tuarua ko te poitarawhiti te kēmu.

I kaha kite i te tere o te tangata, te kaha ki te peke, ki te ārai, ki te whai piro hoki.

Heoi i te mutunga iho, ko ngā Kaimahi i eke.

Ko ngā piro matua i tēnei wā ko te Tauira: 1   Kaimahi: 1

Īnā te tata o ngā piro

Tau 11 - Oma roa - 10km

Wahine tū, wahine ora!!!

Mōkori anō kia whakamihia te kaha o ēnei tokorua i oma ki te whakataetae oma roa ki Ōtautahi.
Ahakoa te kaha heke o te ua i okea ururoatia kia eke panuku.
10km - rarawe noaiho!

Te Hui Tōpū o ngā Kura Kaupapa o Te Waka

Ko te Aho Matua kei runga, ko te Ira Tangata kei raro, Tīhei Mauri Ora

īnā te āhuareka o te nohotahi ā ngā Kura Kaupapa Māori o Te Waipounamu i runga i te whakaaro kotahi.

Anei rā ētahi o ngā whakaahua, ngā kiriata hoki o taua wānanga mīharo rawa atu.

Te ako haka

Ngā awheawhe pukukata :)

Te kaupapa rapuara - He tuatahitanga ki roto o Te Waipounamu

Anei tētahi hononga kiriata o Whakaata Māori

https://teaomaori.news/rapuara-giving-maori-students-window-workforce

Te pō kanikani - Kia hūkere te hoe! 

Ngā Kura Aho Matua o Waitaha - Te Whare Tū Taua

Anō nei te pai, te āhuareka o te nohoanga o ngā tuakana me ngā teina i runga i te whakaaro kotahi.


Tēnei te hā o Tūmatauenga te whakamānawa atu nei.

Waimārie mātou o Te Whānau Tahi i tae mai ā mātou tuakana o Te Kura Whakapūmau ki te mahitahi i ngā mahi mau rākau o Te Whare Tū Taua i tēnei wiki. He rawe te nohotahi, te kōrerotahi, ā, te whakawhanaunga hoki.

Tirohia ki ngā whakaahua, ngā kiriata hoki e whakatairanga ana te ahiahi.

Te Whakataetae Waka Ama

I piri atu ā mātou tauira o te Wharekura ki te tātāwhainga Waka Ama o ngā kura tuarua o Waitaha.

I whai hua katoa te rā, i tae tuarua ngā tuakana, ā, ko ngā teina ngā toa whakaihuwaka ki tō rātou reanga.

Nāia ngā whakaahua/kiriata o te rā